Array ( [mr_id] => 58698 [mr_node] => 59991 [mr_media] => 64025 [mr_field] => image [mr_order] => 0 [media_id] => 64025 [media_album] => 1 [media_path] => media/2016/12/64025.jpg [media_name] => SPORT ANA IVANOVICH TENIS copy.jpg [media_type] => 0 [media_creation_date] => 2016-12-30 11:33:35 )
« Վերադառնալ
Երևան ... °C
Գյումրի ... °C
Աբովյան ... °C
USD 486.78
EUR 515.50
RUB 8.41
Իվանովիչը հայտարարել է պրոֆեսիոնալ կարիերան ավարտելու մասին
Լուրն ամենաշատը տխրեցրեց մոլորակի արական սեռին, սակայն բացի գեղեցկությունից ու հմայքից, Իվանովիչը թենիսում թողեց նաև սպորտային հետք:

Սերբական հանրահայտ այս արտահայտությունն այլևս չի լսվի աշխարհի կորտերում: Անա Իվանովիչը որոշեց ավարտել կարիերան` ընդամենը 29 տարեկանում: Լուրն ամենաշատը տխրեցրեց մոլորակի արական սեռին: Սակայն բացի գեղեցկությունից ու հմայքից Իվանովիչը թենիսում թողեց նաև սպորտային հետք:

Արդեն 17 տարեկանում Անան նվաճեց իր 1-ին տիտղոսը: Դա 2004-ին էր կանբերայում: 2 տարի անց նա ճանաչվեց WTA-ի տարվա հայտնություն: Տղամարդկանց նմանատիպ մրցանակը բաժին հասավ Ռաֆայել Նադալին: 2007-ին Իվանովիչն 1-ին անգամ հասավ մինչև Մեծ սաղավարտի մրցաշարի եզրափակիչ, սակայն Ռոլան Գարոսի վճռորոշ խաղում նա զիջեց Ժյուսթին Էնենին: Մեկ տարի անց Ավստրալիայում նմանատիպ հույզեր Անային պարգևեց Մարիա Շարապովան:

Բայց նույն տարում գրանցվեց նաև 1-ին խոշոր հաջողությունը: Փարիզում եզրափակիչ խաղի փորձ ունեցող Իվանովիչը պարտության մատնեց Դինարա Սաֆինային և Մոնիկա Սելեշից հետո դարձավ կանանց թենիսում Մեծ սաղավարտի տիտղոս նվաճած Սերբիայի 1-ին ներկայացուցիչը: Այդ տարվա արդյունքում Անան գլխավորեց համաշխարհային դասակարգման աղյուսակը:

Թենիսին զուգահեռ Իվանովիչն իրեն փայլուն էր դրսևորում նաև մոդելային ասպարեզում: Կորտում արդյունքները սկսեցին վատանալ, վնասվածքներն էլ դրան ավելի ու ավելի էին նպաստում: Այս տարի նա ամուսնացավ գերմանացի ֆուտբոլիստ Բաստիան Շվայնշտայգերի հետ: 1-ինը կարիերան ավարտելու մասին հայտարարեց թենիսիստուհին: Սպասվում է, որ շուտով դա կանի նաև Շվայնին: