Նախկին զինվորականներից կազմված ջոկատը գործուղվում է մի վայր, որը, ըստ նախնական վարկածի, գրավել են ահաբեկիչները։ Ջոկատին հանձնարարված է վնասազերծել ահաբեկիչների: Թվում է, թե բարդ բան չկա և առաքելությունն իրագործելի է: Սակայն տեղ հասնելուն պես, ջոկատի անդամները զարմանքով պարզում են, որ իրականում իրենք են դարձել առաքելության մի մասնիկ և պայքարել է պետք ոչ թե չեղած ահաբեկիչների դեմ, այլ սեփական կյանքի ու ողջ մնալու համար: Այստեղ յուրաքանչյուրը կռիվ է տալիս իր բաժին կյանքի ու երջանկության համար, իսկ գերրխնդիրը մեկն է՝ ապրել ամեն գնով …

Հայաստանի սահմանամերձ գյուղերից մեկում երկրաբանների խումբը հայտնաբերում է ոսկու մեծ պաշարներ։ Լուրը հայտնում են իրենց վարձակալած մեծահարուստին, ով սկսում է միջոցներ ձեռնարկել՝ գյուղում ոսկու հանք բացելու համար։ Սակայն, գյուղացիները ընդիմանում են։ Խնդիրն ավելի է սրվում, երբ պարզ է դառնում, որ հանքը բացելու համար վնասվելու է նրանց գյուղի գերեզմանատան մի հատվածը։
Գյուղացիների պայքարը ավելի է բարդանում, երբ պարզվում է, որ մեծահարուստը կաշառել է գյուղապետին, մարզպետին և մարզային ոստիկանապետին։ Տեղի է ունենում բախում գյուղացիների և գյուղապետի համախոհների միջև։ Ի վերջո աղմուկը հասնում է Երևան…

Ռոբերտ Թովմասյանը 30-ին մոտ երիտասարդ է: 25 տարեկանում ֆինանսական խնդիրների պատճառով նա կողոպտում է մաքսայինի կաշառակեր պետի տունը:

Կաղողպուտից հետո ոստիկանները սկսում են հետապնդել Ռոբին և նա թանկարժեք քարերով և ոսկով պայուսակը ստիպված թաքցնում է հողի տակ: 5 տարի բանտում անցկացնելուց հետո Ռոբը դուրս է գալիս և հայտնաբերում, որ թաքցրած պայուսակի հողատարածքի վրա կառուցվել է դպրոց: Նա խաբեությամբ աշխատանքի է ընդունվում դպրոցում՝ որպես պատմության ուսուցիչ, որպեսզի կարողանա ընթացքում փորել և հանել պայուսակը: Պարզվում է, որ Ռոբը պետք է դասավանդի դպրոցի ամենաանկարգ 11-ի Բ դասարանին, ովքեր նրա կյանքը վերածում են դժոխքի: Այս ամենի մեջ Ռոբի կյանքում կա միակ լուսավոր կետը. նա սիրահարվում է դասարանի դասղեկ՝ Լուսինեին, ով երկար տարիներ ընկերություն է անում Էրիկի հետ և պատրաստվում է նշանվել:

«Mench Challenge» հաղորդման շրջանակում հաղորդավար Արմեն Պետրոսյանը այցելում է Լոս-
Անջելեսում բնակվող հայտնի հայերին: Անկեղծ զրույցի միջոցով հեռուստադիտողին է ներկայացվում
հայտնիների կենցաղը, առօրյան և բնակության վայրը:

Պատմությունը «պայծառատես» աղջկա` Մարիի մասին է, ով երկրաշարժի տարիներին կորցրել է հորը, իսկ ավելի ուշ՝ նաեւ մորը: Շնորհը Մարին ժառանգել է հորից:
Սակայն արտասովոր ընդունակությունը Մարիին կյանքում շատ է խանգարում. աղջիկը կանխազգացել է մոր մահը: Մարին մեկուսացած է բոլորից... Նա աշխատում է ազգային արխիվում եւ փորձում է հոր մահվան մասին տեղեկություններ գտնել, քանի որ անընդհատ տեսիլքներ է տեսնում:Ներքին կանխազգացում ունի, որ հայրը ողջ է: Դեպքերի զարգացմամբ Մարին ծանոթանում է լուսանկարիչ Ռաֆի հետ, ով որոշում է օգտագործել Մարիի ունակությունները՝ ի շահ իրեն: