Array ( [mr_id] => 71959 [mr_node] => 67279 [mr_media] => 69847 [mr_field] => image [mr_order] => 0 [media_id] => 69847 [media_album] => 1 [media_path] => media/2018/04/69847.jpg [media_name] => Davo S Siria copy.jpg [media_type] => 0 [media_creation_date] => 2018-04-13 15:40:53 )
Facebook Instagram Youtube
Սիրիայում լարվածությունը պահպանվում է
Վաշինգտոնն արդեն առանձնացրել է հնարավոր հարվածների 8 թիրախ: Սիրիական օդուժը տեղափոխվել է ռուսական բազաներ:

Բողոքի ցույցն ուղղված է պետքարտուղարի թեկնածու առաջադրված Մայք Պոմպեոի դեմ: Կոնգրեսում պաշտոնի հաստատման լսումների ժամանակ Թրամփի նոր պետքարտուղարը ընդգծել է՝ Ռուսաստանի դեմ պետք են նոր պատժամիջոցներ: 

Պոմպեոն Պետքարտուղարություն է գնում Կենտրոնական հետախուզական վարչությունից, որից ղեկավարն էր: Լսումների ժամանակ բացահայտում է՝ մի քանի շաբաթ առաջ ռուսները Սիրիայում հարյուրավոր կորուստներ են ունեցել: 

Խոսքը կամավորների մասին է: Փետրվարին Սիրիայում ամերիկյան հարվածից զոհվել էին ռուս վարձկաններ, որոնք ռուսական բանակի հետ կապ չեն ունեցել: Պոմպեոի բացատրությունները նման էին արդարացման, թե ռուսների դեմ Սպիտակ տունը մեծ քայլեր է կատարում, բայց ամեն ինչ չէ, որ կարելի է բացահայտել: 

Իսկ Ռուսաստանի բանակի ստորաբաժանումները շարունակում են աջակցել Սիրիայի կառավարական ուժերին: Զինյալները պարտություն են կրում: Ամերիկյան 8 օդանավեր հետախուզական թռիչքներ են իրականացրել Սիրիայի ափերի մոտ, հենց այնտեղ, որտեղ տեղակայված են ռուսական ստորաբաժանումները: Վաշինգտոնն արդեն առանձնացրել է հնարավոր հարվածների 8 թիրախ: Սիրիական օդուժը տեղափոխվել է ռուսական բազաներ՝ հուսալով, որ Ամերիկան ռուսներին չի ռմբակոծի: Լարվածությունը պահպանվում է, քաղաքացիական օդանավերը շրջանցում են Սիրիան, երկրի օդային տարածքը դատարկվել է: