Array ( [mr_id] => 72878 [mr_node] => 67924 [mr_media] => 70289 [mr_field] => image [mr_order] => 0 [media_id] => 70289 [media_album] => 1 [media_path] => media/2018/05/70289.jpg [media_name] => download.jpg [media_type] => 0 [media_creation_date] => 2018-05-15 12:44:08 )
Facebook Instagram Youtube
Երուսաղեմում բացվել է Իսրայելում Միացյալ Նահանգների դեսպանատունը
Միացյալ Նահանգները դարձավ աշխարհի առաջին երկիրը, որը դեսպանատուն բացեց Երուսաղեմում:

Ամերիկյան պատվիրակությունը ժամանում է Երուսաղեմ դեսպանատան բացմանը: Պատվավոր հյուրերից են նախագահ Դոնալդ Թրամփի դուստր Իվանկան իր ամուսնու՝ Ամերիկայի հրեական համայնքի ազդեցիկ ներկայացուցիչ Ջարեդ Քուշների հետ: Խնդրահարույց որոշումն այսօր ի կատար է ածվում: 

Ելույթներից առաջ 800 հյուրերին ու Իսրայելի ժողովրդին հատուկ ուղերձով դիմել է Միացյալ Նահանգների նախագահ Դոնալդ Թրամփը: 

Այնուհետև Միացյալ Նահանգների նախագահի անունից դեսպանատունը բացել ու այդ մասին ազդարարել է Իվանկա Թրամփը: 

Իսրայելի նախագահի ու վարչապետի մասնակցությամբ դեսպանության բացման արարողությունը նվիրված է Իսրայելի անկախության 70 ամյակին: Այս պահին աշխարհի որևէ այլ երկիր Երուսաղեմում դեսպանատուն չունի: Պատճառը հին քաղաքի խնդրահարույց կարգավիճակն է: Դոնալդ Թրամփի որոշումը աշխարհի ճնշող մեծամասնությունը չի ողջունել: Դեսպանության բացման պահին Արևմտյան ափում սկսվել են ուժայինների հետ զանգվածային բախումներ, փողոցներում բանակային ստորաբաժանումների և պաղեստինցիների միջև արյունահեղ ընդհարումները շարունակվում են: