Array ( [mr_id] => 72915 [mr_node] => 67943 [mr_media] => 70302 [mr_field] => image [mr_order] => 0 [media_id] => 70302 [media_album] => 1 [media_path] => media/2018/05/70302.jpg [media_name] => 31631939_1849304075126484_726367252806369280_n.jpg [media_type] => 0 [media_creation_date] => 2018-05-15 16:15:32 )
Facebook Instagram Youtube
Նորակերտցիները պահանջում են գյուղին պատկանող գույքը վերադարձնե գյուղին
Նորակերտի գյուղապետ Շահեն Կարապետյանի խոսքով՝ բոլոր գործարքները եղել են օրինական, ավագանու որոշմամբ:

Նորակերտցիներն առավոտից փակել էին գյուղի ճանապարհն ու գյուղապետից պահանջում էին անվավեր ճանաչել գյուղի նախկին բուժկետի, գյուղապետարանի շենքերի, մանկապարտեզի հարակից տարածքի և պահուստային ֆոնդի 30 հեկտար հողատարածքի՝ 2006 թվականին իրականացված աճուրդ վաճառքի փաստաթղթերը: 

Նորակերտի գյուղապետ Շահեն Կարապետյանի խոսքով՝ բոլոր գործարքները եղել են օրինական, ավագանու որոշմամբ:

Գյուղացիների տեղեկացմամբ՝ մանկապարտեզին կից 2000 քմ տարածքը, որը նախկինում խաղահրապարակ է եղել, գնել է գյուղապետի որդին: Նույն սկզբունքով Շահեն Կարապետյանի որդին գնել է նաև գյուղապետարանի նախկին շենքը:

Համայնքի ղեկավարը վստահեցնում է, որ իր քրոջ ամուսինը միայն պատահականության սկզբունքով է գնել գյուղի բուժկետի նախկին շենքը: Շահեն Կարապետյանը չմտաբերեց մրցույթների անցկացման ամսաթվերն ու աճուրդով սահմանված վաճառքի գները: 

Շահեն Կարապետյանը գործարքների օրինականությունը հաստատող ոչ մի փաստաթուղթ չներկայացրեց՝ պատճառաբանելով, որ դրանք կտրամադրի միայն ստուգում իրականացնող մարմիններին: