Array ( [mr_id] => 72916 [mr_node] => 67950 [mr_media] => 70305 [mr_field] => image [mr_order] => 0 [media_id] => 70305 [media_album] => 1 [media_path] => media/2018/05/70305.jpg [media_name] => aniiii.jpg [media_type] => 0 [media_creation_date] => 2018-05-16 10:20:33 )
Facebook Instagram Youtube
Վիրավոր զինվորի վիճակը ծանր է, կյանքին վտանգ չի սպառնում
Կիրակի գիշերն Արցախում վիրավորված զինծառայողին տեղափոխել են Երևան՝ Կենտրոնական կլինիկական զինհոսպիտալ:

Կենտրոնական կլինիկական զինհոսպիտալի վերակենդանացման բաժանմունքում հավաքվել են հակառակորդի գնդակից ծանր վիրավորված Շամխալ Պետրոսյանի հարազատները: մի քանի քայլ հեռավորության վրա` ապակուց այն կողմ զինվորը քնած է, միացված են արհեստական շնչառության սարքեր: 

Առաջին օրերի կրիտիկական վիճակից հետո հիմա 20-ամյա զինվորի կյանքին վտանգ չի սպառնում, վստահեցնում են բժիշկները: վիրավորումը որովայնի շրջանում է, բոլոր կենսական ֆունկցիաները խիստ հսկվում են: 

Նոր հետազոտություններ կլինեն: Հենց դրանց համար են զինծառայողին Երևան տեղափոխել, երբ Ստեփանակերտի հոսպիտալուն նրա վիճակը կայունացել էր: Զինծառայողը վիրավորվել է կիրակի գիշերը` Պաշտպանության բանակի հյուսիսային ուղղությամբ տեղակայված զորամասի պահպանության տեղամասում: