Array ( [mr_id] => 72918 [mr_node] => 67952 [mr_media] => 70306 [mr_field] => image [mr_order] => 0 [media_id] => 70306 [media_album] => 1 [media_path] => media/2018/05/70306.jpg [media_name] => 11830697.jpg [media_type] => 0 [media_creation_date] => 2018-05-16 10:33:32 )
Facebook Instagram Youtube
Փաշինյանի թիմակիցները մշակում են կառավարության ծրագիրը
Նախարարությունից` նախարարություն ճանապարհին, վարչապետը պատասխանել է լրագրողների հարցերին` անդրադառնալով նոր կառավարության ծրագրին ու արտահերթ խորհրդարանական ընտրություններին: Նիկոլ Փաշինյանը նշել է, որ արտահերթ ընտրություններ, ամենայն հավանականությամբ, տեղի կունենան այս տարի:

Նիկոլ Փաշինյանի թիմակիցները այս պահին մշակում են կառավարության ծրագիրը: Այս մասին նախարարություններին ներկայացնելու ճանապարհին պատասխանելով «Ժամը» լրատվականի հարցին հայտնեց Նիկոլ Փաշինյանը: Նա հայտարարել է, որ այս կառավարությունը ժամանակավոր է մինչեւ նոր արտահերթ խորհրդարանական ընտրությունների կազմակերպումը: Խորհրդարանը արձակելու եւ նոր խորհրդարանական ընտրություններ անցկացնելու համար Սահմանադրությունը մի քանի տարբերակ է առաջարկում: Դրանցից առաջինն այն էր, որ անընդմեջ երկու անգամ վարչապետ չի ընտրվում եւ երկրորդը` երբ խորհրդարանը չի հաստատում կառավարության ծրագիրը : 

Մինչեւ այս` Նիկոլ Փաշինյանը հայտարարել էր, որ արտահերթ ընտրությունների համար քաղաքական ուժերը ժամանակ են խնդրում, որպեսզի հասցնեն պատրաստվել: Մյուս կողմից, եթե կառավարության ծրագիրը հաստատվում է, ապա արտահերթ խորհրդարանական ընտրությունների հնարավորություն կլինի միայն մեկ տարի հետո` վարչապետին անվստահություն հայտնելու միջոցով: Սակայն Փաշինյանը հայտարարել է, որ 1 տարին երկար ժամանակ է և սահմանադրությունը տալիս է ԱԺ արտահերթ ընտրությունն ավելի շուտ անցկացնելու հնարավորություն: