Array ( [mr_id] => 73590 [mr_node] => 68435 [mr_media] => 68508 [mr_field] => image [mr_order] => 0 [media_id] => 68508 [media_album] => 10 [media_path] => media/2018/01/68508.jpg [media_name] => img_5638690384_TH_Ombuds.jpg [media_type] => 0 [media_creation_date] => 2018-01-09 11:14:13 )
Facebook Instagram Youtube
ՄԻՊ գրասենյակը զինված ուժերից ստացել է մոտ 2000 բողոք
Բողոքների մեծ մասը վերաբերում են բժշկական փորձաքննություններին` նորակոչիկը հիվանդ էր, բայց զորակոչվել է:

Բանակից ու զինվոր-սպաներից, նրանց ընտանիքի անդամներից մարդու իրավունքների պաշտպանի գրասենյակին մոտ 2000 բողոք է հասել: Սա 2017-ի ամփոփ տվյալն է: Բողոքների մեծ մասը վերաբերում են բժշկական փորձաքննություններին` նորակոչիկը հիվանդ էր, բայց զորակոչվել է: Պաշտպանի միջնորդությունից հետո նշանակվել են նոր փորձաքննություններ:

Զինվորը զորամասում է հիվանդացել, բայց հոսպիտալ չի տեղափոխվում, հոսպիտալից դուրս են գրում, բայց չի բուժվել: ՄԻՊ գրասենյակի ներկայացուցիչները ՊՆ աշխատակիցների հետ այցելում են զորամասեր, զինհոսպիտալներ, տեսած խնդիրները փորձում միասին կարգավորել:

Պաշտպանության նախարարությունը ՄԻՊ առաջարկով օրենսդրական փոփոխություններ է կատարել: Հիմա հարցը դրանց կիրառումն է: Պաշտպանի գրասենյակը հետևողական կլինի ընդլայնված, դռնբաց նիստերով, զինծառայողների, ընտանիքի անդամների, փորձագետների, պաշտոնյաների հետ աշխատանքով: Նոր բողոքների մասով Արման Թաթոյանը նկատում է` կարծրատիպեր կան, բայց ՄԻՊ գրասենյակը երաշխավորում է գաղտնիությունը: