Array ( [mr_id] => 73693 [mr_node] => 68509 [mr_media] => 70701 [mr_field] => image [mr_order] => 0 [media_id] => 70701 [media_album] => 1 [media_path] => media/2018/06/70701.jpg [media_name] => 12086900.jpg [media_type] => 0 [media_creation_date] => 2018-06-13 11:05:28 )
Facebook Instagram Youtube
Սոցիալական հարցերի նախարար Թանդիլյանը հրաժարական է տվել
Մանե Թանդիլյանը դադարեցնում է նաև ԼՀ կուսակցության անդամակցությունը

Մանե Թանդիլյան, հաշվապահ, որը հայտնի դարձավ ԴԵՄ ԵՄ-ի ցույցերից: Կուտակայինի դեմ ցույցերում հայտարարում էր, որ փողոցում կանգնել, բողոքելը հանրության սահմանադրական իրավունքն է: Թոշակը Պարտադիր կուտակելուն սկզբունքորեն դեմ էր ու կոչ էր անում պայքարել երկրի ապագայի համար:

Այս բոլոր կոչերից ու պայքարից հետո Մանե Թանդիլյանը հայտնվեց խորհրդարանում` որպես ԼՀ ներկայացուցիչ: Նույն կուսակցությունն էլ նրան գործուղեց կառավարություն` որպես սոցհարցերի նախարարի: 

Պաշտոնավարման մեկ ամսում Թանդիլյանը կուտակայինի մասին անընդհատ էր խոսում, պարզաբանում: Մեկ նշում էր, որ համակարգի ներդրումը պետք է, մյուս հրապարակման մեջ շեշտում, որ կողմ է կամավորին, դեմ պարտադիրին, պնդում, որ մեկ տարով հետաձգել է պետք: Ի վերջո, կառավարության վերջին նիստում ասաց, որ պարտադիրին դեմ չէ: 
Այս քվեարկությունից ուղիղ 24 ժամ անց մեկ ամսվա նախարարը հայտարարում է` հրաժարվում է պաշտոնից: 

Մինչև վերջին պահը Մանե Թանդիլյանի հասցեին նաև քննադատություններ էին հնչում, պնդմամբ, որ ԴԵՄ ԵՄ-ից հայտնի դարձած անձը հիմա կողմ է: Մանե Թանդիլյանը հրաժարականում գրում է` հարցը սկզբունքային էր իր համար, հետևաբար այս պահից հրաժարվում է պաշտոնից:

Մանե Թանդիլյանը դադարեցնում է նաև ԼՀ կուսակցության անդամակցությունը: Քաղաքական զարգացումներին հետևելու է ուղղակի որպես քաղաքացի: