Array ( [mr_id] => 75606 [mr_node] => 69784 [mr_media] => 71586 [mr_field] => image [mr_order] => 0 [media_id] => 71586 [media_album] => 1 [media_path] => media/2018/09/71586.jpg [media_name] => 738506.jpg [media_type] => 0 [media_creation_date] => 2018-09-12 15:19:07 )
Facebook Instagram Youtube
Ադրբեջանական կողմը կրակ է բացել Վազաշենի և Բաղանիսի ուղղությամբ
Բնակիչներից մեկը պատահմամբ տեսանկարահանել է Ադրբեջանի գնդակոծությունը:

Հայ-ադրբեջանական սահմանի Տավուշի մարզի Վազաշենի հատվածն է: Գյուղի բնակիչներից մեկը պատահմամբ տեսանկարահանել է Ադրբեջանի գնդակոծությունը: Երեկ և այս գիշեր հակառակորդը կրակ է բացել հայկական դիրքերի և գյուղերի ուղղությամբ: 

Սովորական ասելով սահմանապահ համայնքի ղեկավարը նկատի ունի հրազենը: Երեխաները վախեցել են, քանի որ նախօրեի կրակոցները նախկինից աղմկոտ են եղել` մեծ տրամաչափի պատճառով: Վազաշենի ուղղությամբ վերջին օրերին ադրբեջանական ակտիվությունը եզակի չէ: Կրակել են նաև երկու օր առաջ: Նախօրեին գնդակոծված մյուս բնակավայրը Բաղանիսը, պարբերական կրակի տակ է արդեն տասն օր: 

Բաղանիսի գյուղապետի խոսքով` միջպետական ճանապարհը չի փակվել, բնակիչների տները չեն վնասվել, դպրոցում դասերը շարունակվում են: Հայկական կողմի պատասխան կրակից հետո հակառակորդը լռել է: 

Իրավիճակը մեկնաբանել է պաշտպանության նախարարը: Դավիթ Տոնոյանն ընդգծել է` անհանգստանալու պատճառ այս պահին չկա: 

Արտգործնախարարությունը պետական սահմանին կրակոցների մասին տեղեկացրել է ԵԱՀԿ Մինսկի խմբի համանախագահներին, համանախագահ երկրների արտգործնախարարներին ու դեսպաններին, ԵԱՀԿ գործող նախագահի անձնական ներկայացուցչին: 

Հայկական կողմը Ադրբեջանի կոպիտ խախտումը ներկայացնելուն զուգահեռ ընդգծել է, որ Ադրբեջանը շարունակում է մերժել Վիեննայում, Սանկտ Պետերբուրգում և Ժնևում ձեռք բերված և վերահաստատված համաձայնությունների իրականացումը: