Array ( [mr_id] => 88748 [mr_node] => 77706 [mr_media] => 77650 [mr_field] => image [mr_order] => 0 [media_id] => 77650 [media_album] => 1 [media_path] => media/2019/11/77650.jpg [media_name] => maxresdefault.jpg [media_type] => 0 [media_creation_date] => 2019-11-30 16:44:01 )
Facebook Instagram Youtube
Գարդման-Գանձակի հայաթափում. Ադրբեջանում իրենց հանրությանը դարձնում են պոտենցիալ ցեղասպան
Ադրբեջանում պետական մակարդակով պլանավորված ջարդերից փրկվածները պահանջում են արձանագրել՝ այսօր էլ այդ երկիրը շարունակում է սպառնալիք լինել հայության և ամբողջ տարածաշրջանի կայունության համար:

Ծիծեռնակաբերդի բարձունքում՝ այն հուշաքարերի մոտ, որոնք Ադրբեջանի տարածքում կոտորված հայերի հիշատակն են ոգեկոչում, ծաղիկները խոնարհում են Գանձակի հայերը: Գանձակ գետը քաղաքը բաժանում էր հայկական ու թուրքական թաղամասերի: Թուրքականում էլ մոտ 5000 հայ էր ապրում: Հենց այստեղ՝ հայկական եկեղեցու մոտ է եղել ադրբեջանցիների առաջին հարձակումն ու սկսվել հայերի պաշտպանությունը: Ամեն ինչ տեսել ու ամենակազմակերպված ինքնապաշտպանությանը մասնակցել է Գրիգորի Օգանեզովը: 

Իրենց բառերով ասած՝ հաջողվել է թուրքի թաղամասից տարհանել հայերին, տեղափոխել հայկական թաղեր ու փրկվել՝ տալով երեք տասնյակ զոհ, երբ Սումգայիթում սպանված հայերի թիվն անցավ մի քանի հարյուրը: Ջարդերի 30-րդ տարելիցի առիթով Ադրբեջանի տարածքից գաղթած հայերը հայտարարություն են տարածում: 

Գլխավոր բողոքը մեկն է՝ իրենք, որպես Բաքվի ռեժիմի ցեղասպանական գործողություններից տուժած ինքնուրույն համայնք, որևէ կերպ ներկայացված չեն միջազգային փաստաթղթերում և հակամարտության կարգավորման բանակցություններում: 

Ադրբեջանում պետական մակարդակով պլանավորված ջարդերից փրկվածները պահանջում են արձանագրել՝ այսօր էլ այդ երկիրը շարունակում է սպառնալիք լինել հայության և ամբողջ տարածաշրջանի կայունության համար: