Array ( [mr_id] => 88846 [mr_node] => 77759 [mr_media] => 77686 [mr_field] => image [mr_order] => 0 [media_id] => 77686 [media_album] => 1 [media_path] => media/2019/12/77686.jpg [media_name] => Նիկոլ.jpg [media_type] => 0 [media_creation_date] => 2019-12-03 17:02:30 )
Facebook Instagram Youtube
Վարչապետն այցելել է Արարատի մարզի Ռանչպար ու Սիս գյուղեր
Վարչապետը Տարածքային կառավարման և ներդրումների նախարար Սուրեն Պապիկյանի հետ այցելել է Արարատի մարզ: Փաշինյանը եղել է Ռանչպար գյուղում, որտեղ բացվել է ժամանակակից ու հարմարավետ մանկապարտեզ: Վարչապետն այցելել է Սիս գյուղ, որտեղ ամիսներ առաջ երեխաներին խոստացել էր, որ կառավարությունը կնորոգի ավտոճանապարհը։ Վարչապետին դիմավորել է 10-ամյա Սամվելը. հենց նա էր դիմել վարչապետին՝ ճանապարհը նորոգելու խնդրանքով:

Սիս համայնքի բնակիչ, 6-րդ դասարանցի Սամվել Հովհաննիսյանն է: Կարելի է ասել, որ նրա շնորհիվ համայնքի 2 կմ 300 մետրի հասնող միջհամայնքային ճանապարհը նորոգվեց: Սամվելը խնդրել էր վարչապետին ավարտել Սիսի ճանապարհի նորոգումը:

Վարչապետը Սամվելի ուղեկցությամբ ստուգեց նորոգված ճանապարհի որակը: Նիկոլ Փաշինյանը նրանից հետաքրքրվեց՝ գո՞հ է կատարված աշխատանքից:

Նիկոլ Փաշինյանի հաջորդ կանգառը Արարատի մարզի Ռանչպար համայնքն էր: Ռուսաստանաբնակ Մամիկոն Կարապետյանը՝ 350 հազար դոլար ներդրմամբ համայնքում մանկապարտեզ է կառուցել:

Տարածքային կառավարման և ենթակառուցվածքների նախարար Սուրեն Պապիկյանին լրագրողները հարցրեցին մարզպետի մասին. գոհ է արդյոք Գարիկ Սարգսյանի աշխատանքից:

Հարցերին պատասխանելու պատրաստակամություն հայտնեց Գարիկ Սարգսյանը: Նա անդրադարձավ իր աշխատակազմում հարազատ-բարեկամներին նշանակելու մասին հրապարակումներին:

Կոկորդիլոսաբուծարանի բացման վերաբերյալ հարցին մարզպետը չպատասխանեց, ներդրումների վերաբերյալ դիտարկմանն էլ արձագանքեց:

Մամուլի մեկ այլ հրապարակմանը,թե իր պատվերով ծեծել են իրեն արտահերթ չսպասարկած վարսահարդարին՝ մարզպետը հայտնեց, որ քննություն է ընթանում: